أماليا الجزء الرابع – قصص جمايكا أحمد

أماليا

الجزء الرابع للكاتبة جمايكا أحمد

الجزء الرابع..

 

هديل :- طيب وبعدين لمتى بدي انطر يخرب بيتك قتلتيني وفضحتيني ..حاسة حالي رح انجلط..
اياد :_ قوم قوم اشرب القهوة وصحصح..
هديل :- صارت ٥ الصبح هلق الخدم كلو بفيق ..
اياد :- انتي روحي هلق شوفي امورك وانا رح صلح كل شي
هديل :- كيف بدي اقدم يومي
اياد :- رح اخبر كوثر انك مريضة
هديل :- بدي اعرف شو صار ماقبلانة تحكي..
اماليا “- حكيت كل شي انا
هديل :- شو مفيقك ومطلعك برا ..
اماليا :- قلتلك كنت رايحة جيب قطتي
هديل :- لك القطة كل يوم بتنقلع بالليل حبكت لاء لاء ما صحيح هالحكي..
اماليا :- كيف مابدك تسدقيني وهو عمل نفس الشي مع رسمية
اياد :- 😒 اها ومين خبرك عن موضوع رسمية ..
هديل :- لك اخرسي ، الله يخليك يابيك استر علينا وساعدنا مالي بالدنيا حدا ..غير رب العباد واذا البنت انفضحت رح يدمر مستقبلها وماعاد حد يطلع فيها ..
اياد :- وعدتك اني صلح كل شي..
اماليا :- امي انا تعبانة..
هديل :- رح اخدها للغرفة
اياد :- خدي راحتك..
هديل :- امشي..
اماليا :- بدي انام..
هديل :- لازم نروح المشفى ..
اماليا :- امي لاء دخيلك بلاها
هديل :- ليه بلاها قولي من شو خايفة
اماليا :- رح يسالونا مين السبب ورح يجيبو الشرطة غير الفضيحة رح ينتقمو منا نحنا خدم وهني اسياد والله بنضيع اخي علي مالو ذنب..
هديل :- وانتي مالك ذنب الله ياخدو وارتاح منو الله ينتقم منو حرقلي قلبي ماعرفتي تصرخي ماعرفتي تعملي شي .
اماليا :- قفل ع تمي بالقوة وماقدرت لالو..
.هديل :- غسلي غسلي ، لا ترجفي خلص امي رح احاول لاقي طريقة يارب مالي غيرك..
اماليا :-، بردانة..
هديل :- رح دفيكي ، اتسطحي ونامي ،..رح اقفل عليكي باب الغرفة ..شوي وبجي..
..
رجعت بعد ساعة بعد مارتبت الامور كانت نايمة ..على الساعة ٩ ونص الست كوثر طلعت عندها اجتماع بمؤسسة مع صديقاتها .
وعلى ١٠ فاق البيك اياد ..وطلبني في مكتبو..
.
اياد :- صباح الخير.
هديل :- صباح النور يابيك..
اياد :- عملتي القهوة.
هديل :- اتفضل يابيك جاهزة على طاولة المكتب..
اياد :- كيفها اماليا
هديل :- بعدها نايمة..
( نديم كان بعدو نايم على صوفاية مكتب اياد..البيك حاول يفيقوا بس كان نايم بعمق..
اياد :- انا حاسس فيكي ، وانا وعدتك صلح الامور ، قبل لكوثر تعرف..
هديل :- ياريت ومابدي حد يعرف هون
اياد :- ماحد رح يعرف..ارتاحي
هديل :وحق بنتي
اياد : انا رح اعوضك واصلح كل شي، اثقي فيني انتي انسانة بتستاهل وحرام هالعيون تدمع..
هديل :- يابيك انا بنتي ربيت متل اليتيمة ابوها رماها وراح لوحدة تانية وتركنا عايشين بنار الفقر والذل ..
اياد :- بعرف كل شي عنك وعن زوجك
هديل :- بتعرف
اياد :- اي..وبعرف انو هو ببريطانيا بس السؤال يلي حرق لالي قلبي كيف صارلك ١٢ سنة صابرة وما اطلقتي منو..
هديل :- يابيك انا مابعرف وين اراضيه لادور عليه واطلب الطلاق..
اياد :- لازم تطلقي منو
هديل :- اطلق منو بعد هالعمر
اياد :- اي عمر وانتي بعدك باول عمرك ..وبعدين فيكي تطلقي منو غيابي
هديل :- غيابي
اياد :- اي بالمحكمة
هديل :- محكمة هو انا معي لأمن حق اكل اولادي لادفع مصاريف المحاكم..
اياد :- انتي ماتشغلي بالك بالمصاريف احسن محامي وانتي هون بمكانك بطلقك بس انتي وافقي ..
هديل :- والله مابعرف ، اولادي كبروا واطلق
اياد :- لمتى رح اضلك ناطرتيه متلا كمان ١٥ سنة ..وبعدين شو يلي مخليكي تتمسكي فيه اذا هو بيت منيح بالبلد مابيملك .
هديل :- وبعد ما اطلق
اياد :- بصير لالك حق تطلعي وتسافري وتعيشي حياتك بدون ماتنجبري لموافقتو ..
هديل :- يابيك انا ست سجينة نفسها وين بدي سافر
اياد :- انا بدي اسفرك وتشوفي الدنيا وتنسي اللي صار بحياتك
هديل :- يابيك انت طيب بس انا مافيني
اياد :- انا قلتلك رح اعوضك واعوض بنتك اللي عملو ابني..
نديم :- اااخ ياراسي
اياد :- ليكو فاق..
( قمت لاكمشو من رقبتو واخنقو علي عملو بس البيك اياد وقفني وقلي اصبري نفهم منو..
نديم :- صباح الخير شو صاير هون ومين جابني لهون ..
هديل :- (بدموع قهر )بنتي شو عملتلك لتغتصبها
نديم :- شوووو بنت مين شو عم تحكي..
هديل :- بنتي اماليا يلي…..ماقدرانة احكي
اياد :- نديم شو عملت ابني امبارح
نديم :- شو عملت انا ماني متذكر شي..
اياد :- غلطت نفس غلطتك مع رسمية مع اماليا..
نديم :- لا مستحيل
اياد :- للاسف كنت سكران ومانك حاسس على حالك والبنت كانت بحالة يرثى لها..
نديم :- ماصحيح هالحكي
اياد :- انت قلت بلسانك وانت شارب
نديم :- عم قلكن مستحيل
اياد :- البنت وضعها سئ تحت..
نديم ؛- ماعم اتذكر شي
اياد :- اقعد اقعد ..
نديم :- والحل دخيلك لا تعملو فيني متل يلي مضى انتي وامي
اياد :- اقعد ابي خلينا نتفاهم ماحد غيرنا بيعرف امك وخواتك والباقيين مابيعرفوا ..ورح نقفل على الموضوع ولا كأنو صار ..
نديم :- انا متاكد ماعملت شي
اياد :- لك ابني لا تنكر انا شايفك امبارح بالليل..
نديم :- انا صحيح شربت بس ماغلطت ولا عملت متل مابتقول..
اياد :- ع العموم اللي صار صار ..ولازم تصلح الغلط
نديم :- اصلح الغلط
اياد :- اي بدي تتزوج بنت هديل
نديم : شو عم تحكي وقولك امي رح ترضى
اياد :- ماحد رح يعرف ، مشان البنت
نديم :- وكيف بدها تكون مرتي وبهاد البيت
اياد :- رح تاخد بيت بمكان ماحد يعرف فيه وبحجة انو صار عندك دراسة..
نديم :- وزواجي من روندا
اياد :- بتم متل ما امك بدها
نديم :- لا اكيد جنيت .
اياد :- نديم انت غلطت وهديل مابدها تتنازل عن حقها وحق بنتها..
وبعدين اذا صار ووصلت القضية للنيابة العامة رح ينفضح اسمنا..وخاصة اذا في ناس قلبها مسموم ومعبى وممكن تشهد عليك..اعرفت مين بقصد..
وهاد كلو بكفة واذا امك وجدك ابو كوثر عرفو بغلطتك شو رح ينظلم ناس بتعرف جدك صاحب مركز طايل وممكن يهدم حياة ابرياء انت كنت السبب بحالتهم..
نديم :- ابي بس طلبك صعب
اياد :- طلبي مو صعب
نديم :- كيف بتقبل
اياد :- وانت كيف قبلت ع حالك تغلط اللي بدو يغلط بدو يتحمل نتيجة اخطائو خلص الحديث..
نديم :- انا بدي احكي معها انا بدي افهم منها..
طلع نديم من الغرفة متسرع لجناح الخدم وهو بيصرخ عليها ، حسيت انو الفضيحة صارت خلص فتحت لالو باب غرفتي مكان مابنتي نايمة ..البيك اياد طلب من كل الخدم يطلعوا لبرا ومايبقى حد هون..
نديم :- قومي قومي ..احكيلهن متى انا شفتك واياكي تكذبي..
اماليا :- امي
هديل :- اترك البنت
نديم :- عم تفتروا عليه لازم تروح تفحص وتتاكد
هديل :- اي بنفحص ونتاكد ورح ما اسكت عن حق بنتي..
اماليا :- امي دخيلك لاء
اياد :- هديل قلنا مابدها كل هالقد..نديم خلص خلص صار اللي صار..
نديم :- انا متاكد اني ماغلطت وحقي رح اخدو منكن .
اياد :- نديم وقف تعال..
( مرقوا يومين متل حسيت كانهن بيحرقوني وانا عايشة ، وبنار بين اني روح اشتكي ونار الحكي والنتيحة يلي رح تصيبني وتصيب بنتي..
قررت ارسلها لعند امي يومين ..
ربحي :- البيك اياد ناطرك بمكتبو خير ست هديل في شي..
هديل :- لا ابدا
ربحي :- صاير مع اماليا شي..
هديل :- ابدا بس بنتي غلطت بالحكي واعتذرت
ربحي :- المفروض مابصير هالشي..
هديل :- جاهلة مابتعرف ..عن اذنكم..
….
اياد :- فوتي ست هديل..
هديل :-، بدك شي يابيك.
اياد :-فوتي اجلسي
هديل :- شكرا
اياد :- اتفضلي وقعي على هاي الاوراق
هديل :- شو هاي الاوراق
اياد :- فيكي تقرأيها
هديل :- بيت
اياد :- اي
هديل :- لمين
اياد :- هاد البيت لالك انتي ،..
هديل :- ليه
اياد :- شي تعويض بسيط .
هديل :- يابيك انا مابدي بيت انا بدي حل لبنتي..
اياد :- وهاد حل لبنتك لان الورقة التانية بيتها هي لازم توقع عليها ..وهون رح تتزوج وابني نديم يكون معها ..ضمان لحقها اذا حاول يعمل شي غلط..
وهو شوي وجاي . ست هديل انا حكيت مع المحامي وهو بالمسا رح يكون هون مشان طلاقك ..
( كأن كان عم يحاول يقفل تمي عن كل شي ..كنت رافضة قطعا اني اطلق بس شي بقلي اي وافقي..دق الباب.. نديم …تعال اقعد ..جلس مقابيل عم يزاورني بنظرات كلا غل ..
اياد :- بصفتي والد نديم ..حبيت ست هديل اطلب ايد بنتك اماليا لابني على سنة الله ورسوله ، حقها واصل مقدم ومتأخر يضمن حياتها بالرقم يلي تطلبيه ..رح تكون في بيت كامل مكمل وحقوقها واصلتها بس طلبنا الوحيد يكون بالسر بدون ماحد يعرف غيرنا نحنا الاربعة لان ابني بتعرفي خاطب بنت سيادة الوزير وهالشي مابدي يأثر على علاقاتنا معو .. هاي خطوة كبيرة ومخيفة بس اختصار لاي شي ممكن يصير هاد هو الحل..
وضع اماليا رح يكون في بيتها من يكون عندها ..طبعا مو دائم ولا كل يوم لان الست كوثر رح تقلق وتسال ومابدي اي مشاكل ، وشي تاني لما يتزوج رح يكون الامر صعب يتواجد مع اماليا ع طول لهيك رح تجي لهون وتبقى معك اذا بتحبي …
هديل :- بس
اياد :- ع ما اعتقد افضل من هيك حل مارح تلاقي..
هديل :- وبنتي لازم اخد رايها
اياد :- بنتك موافقة
هديل :- كيف ومتى
اياد :- قبل لترسليها لستها حكيتها وهي موافقة..وفيكي تسمعي منها..
نديم :- عندي شي قبل لينتهي الحديث
اياد :- قول ابني
نديم :- ما الها بحياتي او بعلاقاتي او بخطيبتي او بأي شي متعلق بخصوصيتي انا وافقت اتزوجها كرمالك بس انت وغير هيك انا رافض..
هديل :- يابيك
اياد :- لحظة ست هديل ، ماشي يا ابني فيك تروح انت تشوف امورك..
( ضرب الارض برجليه وقام وهو الغل عم يسيري فيه ، …
نديم :- الايام بينا..سلام
اياد :- اقفل الباب
هديل :-ماني مطمنة ابدا
اياد :- ست هديل لا تخافي انا بعرف ابني منيح قلبو طيب ،، وبعدين قد مايكون حامل بقلبو بنتك وشطارتها هي قادرة تغير هالشي لحب..
هديل :- واذا اذاها ..
اياد :- لا ابدا مابتوقع ، المهم نحنا حلينا موضوع ابني وبنتك ومابدي تقلقي المهم انتي بدي تكوني مرتاحة ، اتفضلي ..ذوقي ..شوكلاه بلجيكية من افخم الشوكلاه بالعالم..
هديل :- يسلمو مابدي..
اياد :- اصبلك كاس..
هديل :- اعوذ بالله انا مابشرب..
اياد :- بصير كمان ..
هديل :- فيني امشي
اياد :- انطري شوي ، سؤال غريب شوية ..
هديل :-، اتفضل
اياد :- بدي اعرف رايك فيني
هديل :-، حاشاك يابيك اقول راي وانت سيدي وتاج راسي..
اياد :- لا تقولي هيك وبدي ترفعي الكلفة وقصة المستويات من بينا ..انا شخص عادي وطبيعي وعندي ايدين ورجلين ومتلي متل هالناس..
هديل :- انا مابقدر احكي بحقك اي كلام غير انك انسان شهم وطيب وبتعطي الناس حقها ..
اياد :– كشخصية ما بيعجبك ..
هديل :- ماتواخذني يابيك انا لازم انزل بتكون الست كوثر وصلت من بعد اذنك..
اياد :- الست كوثر بالعصر بترجع..لا تقلقي ..بدي تسترخي وترتاحي لا تعيشي بتوتر ..وبعدين من انكون سوا ماتقليلي يابيك..
هديل :- كيف لاء مابصير
اياد :- مثل مابقلك قليلي اياد هيك..
هديل :- يابيك مابقدر
اياد :- شو قلنا…..
هديل :- اسمحلي ارجوك لازم اشوف الخدم .
..
( شعور بالخنقة اتمالكني وقدرت اطلع من المكتب بصعوبة، انزلت وانا عم ارجف وكأني صبية عمرها ١٥ سنة ، تركت الفيلا وطلعت شوف امي وبنتي ، طول الوقت وانا بعالم ثاني..وبنتي كذالك، خلصنا زيارة وارجعنا انا وبنتي للقصر ..
اماليا :- امي فيكي شي..
هديل :- انتي كيف وافقتي بدون ما اعرف حتى..
اماليا :- لو قلتلك كنتي رح ترفضي..
هديل :- اماليا نديم مابناسبك رح تتعذبي
اماليا :- ع الاقل رح ارتاح من عيشة الخدم..والفقر ..امي انتي افهمي عليه مين رح يوافق على بنت مانها بكر ليتزوجها ..
هديل : انسان صعب وحقير وكلو غل .
اماليا :- لا تخافي امي بعدين انا معك رح ضل ..
هديل :- واذا حبلتي
اماليا :- حماي قلي .
هديل :- حماكي…😲
اماليا :- اي حماي..قلي انو رح نخبر انك اتزوجتي شخص من برا ..باسم وهمي مشان ماحد يسال وراكي..
هديل :- والاهل والقرايب والناس .
اماليا :- رح نقلن عملنا عرس على الديق..
هديل :- مخططة لكل شي..
اماليا :- ابوس قلبك يا امي انا رح طق من جواتي لازم توقفي معي مالي غيرك ..مافي الا هالحل ..
هديل :- لساتك صغيرة لتعيشي هالشي قلبي رح يجن..
اماليا :- هونيها امي وبتهون…
.. اتقبلت الوضع بغشم وبلشت مثل مع بنتي ، اخدتلا محبس ذهب صيني بطريقي ، ومن وصلنا وزعت ضيافة للخدم بخطوبة بنتي من ابن قرايبنا …الكل هنئ ووصل الخبر للست كوثر اللي قدمتلي هدية بمناسبة خطوبة بنتي طقم ذهب ، اتشكرتها وانا حزينة عليها لان مابتعرف انو عريس بنتي هو ابنها يلي مابتشوف الا هو بالدني وبدها تفرح فيه..
بالمسا كنت بمكتب البيك مع المحامي لاوقع على اوراق طلاقي من زاهر اللي تمت بدون ما اعرف ليه وقعت متل الكبش اللي انساق للمذبحة..الفرحة يلي كانت بعيون البيك مافهمت مغزاها ..
المحامي :- خلال ايام بتصلك ورق الطلاق والامور بتكون منتهية…
بعد شهر…
نطرنا البيك بمكان مشان تكتمل اجرءات الزواج ، كانت بشقة بنتي يلي مفروشة من احسنو ومهيئة بشكل تام لحياتهن ، حضر شيخ وشهود اغراب مابنعرفهن وكتب كتابهن ، بس هالزواج مارح يتسجل بالدولة..اكتفينا بورقة شيخ ، اتعشينا يومها سوا ، وكان هو وابنو عم يشربوا وكأني انا وبنتي فريستين مهيئين للذئاب ، خلصنا كل شي ورجعنا للقصر انا واماليا ماتركتها بالبيت معو لان مو الوقت المناسب لهيك شي ..
اماليا :- امي شوفي
هديل :- شو هاد
اماليا :-موبايلات لالي واالك واحد من البيك..
هديل :- ليه اخدتيهن
اماليا :- قلي مهمين مشان تتواصلي مع امك ع طول..
هديل :- صرلك اسبوع ونديم ماحكي معك شي..
اماليا :- لاء ماحكى معي .
هديل :- طيب ارفعي الجهاز من ايدك مشان ماحد ينتبه..
اماليا :- ليه يا امي كلن معهن موبايلات وقفت علينا
هديل :- اماليا..
اماليا :- خلص رح شيلن..بس شوفي اعطاني رقم نديم..
هديل :- لا تقولي بدك تتصلي وتحكي معه..
اماليا :-، امي هاد زوجي ، ولازم يكون معي صرلوا اسبوع مابحاكيني..
هديل :-، انا خبرتك انو هالشي مو سهل ..
اماليا :- امي بقلك عمو البيك انو افتحي الجهاز لان في شي لالك عليه..
( لالك شي هاي الرسالة بمعناها اني انا كمان على سير بنتي اماليا ، ولازم فيق لاعرف حدي وين…
الفضول خلاني افتح الرسالة..
..مرحبا عزيزتي هديل مبروك الموبايل، اليوم ابني بشقتو وناطر زوجتو خرج توصليها لهونيك ع بيتهن كان فيني ارسل سواق او حد بس مشان ماينكشف امرهن.. ..
اتوترت اعصابي وغصيت ..
هديل :- اماليا شو بتعملي
اماليا :- عم حط شوية مكياج اعطتني اياهن داليا..
هديل :- لشو
اماليا :- رايحة لعند زوجي..
هديل :- اماليا..
اماليا :- ياربي انا امي متزوجة وانتي كنتي شاهد .
هديل :- ماني مطمئنة ..
اماليا :- لا تخافي ، مالازم اتاخر ..
( مو بايدي كنت مجبرة ، اخدتا اي ووصلتها ، وفتت معها البيت ، كان هو موجود وقعدت معو وماتكلم بشي..وبنتي لاء مو بنتي ، كانها متزوجة صرلا عشرين سنة وهاد البيت بيتها صرلو عشرين سنة كانها حافظة كل شي فيه ، فاتت الغرفة غيرت تيابها ولبست بجامتها ، وعملت شاي وجلست ..ماكنت بدي اتركها بس لازم اروح ..لان قلي بتحبي وصلك …
طلعت من البيت وانا قلبي على ايدي ….
…المشهد داخل البيت..
نديم :- كنت ناطر هاللحظة
اماليا :- لحظة شو
نديم :- الحقيقة ، تخبريني ليه كذبتي..
اماليا :- بس انا ماكذبت ..
نديم :- لاء كذابة لان شفتك من كنتي راكضة من غرفة الخدم بس ماني متذكر شي بس بدي اعرف شو صار شو صار ..
اماليا :- اي كنت راكضة من غرفة الخدم لان عم دور ع قطتي وانت شفتني واخدتني بالقوة ع سيارتك..
نديم :- كذااااااااابة
اماليا :- لا تصرخ
نديم :- بدي اصررررخ اسمعي انا من اول يوم حسيت انك مصيبة بس هالمصيبة مو على راسي .
اماليا :- هلق شو بدك مني حبك اتسدق سدق ماحبك مابهمني..
نديم :، رح اعرف الحقيقة اكيد ..
اماليا :- الحقيقة اللي بقولوا
نديم :- قومي من وجهي لا تبقي هووووون..
اماليا :- قايمة..
( دخلت اماليا غرفتها وقفلت الباب ، ساعة واثنين وثلاثة..حركة باكرة الباب..
نديم :- اماليا..
اماليا :- خير..
نديم :- افتحي..
اماليا :- شو بدك..
نديم :- اسمعي اذا بدك مصاري حطي الرقم يلي بدك اياه وقولي الحقيقة وخلصيني..
اماليا :- الحقيقة يلي قلتها..
( اختفى صوت نديم فجأة وبعدها انفتح باب البيت وخرج من البيت ، اماليا عم تتاكد ، نديم غادر البيت ، قفلت وقعدت تتراسل مع امها..
اماليا :- امي انا بخير والامور تمام لا تقلقي ونديم نايم..
هديل :- يعني ماتخانق معك او قلك كلام مو.ومنيح..
اماليا :- لاء ابدا بس هو حكيو معي قليل..حسيتو خجلان.
هديل :- طيب اتقلي..بنتي راشد سأل عنك بقول انو عاطيكي شي مهم امانة وهو بحاجتو..
اماليا اتفاجئت برسالة امها واتفاجئت بسؤال راشد..
هديل :- اعطيتو رقمك قال شي مهم ومابدو حد يعرف ..
اماليا : متى اعطتيه رقمي..
هديل :- من ربع ساعة..

اماليا :- معك رقمو
هديل :- لاء وين حاطتيها انا بعطيه اياها ..
اماليا :- معلش امي انا بعطيه اياها….
الساعة ١ ليلا ..اي وقت ما الكل بنام وبتبلش انوار القصر تنطفي…
اتصال رقم غريب..
ماقدرت اماليا ترد لان شكت براشد ..
رسالة اخرى محتواها..
راشد :- مبروك ياعروس ومين سعيد الحظ اللي اخدك مني وع اي اساس اخدك ، كيف ما انتبه معقول ..
اماليا :- راشد
راشد :- طبعا راشد حبيب القلب ماسدقتي ورحتي اتزوجتي ..
اماليا :- شو بدك
راشد :- ولا شي بس بدي اعرف مين عريسك..
اماليا :- ليه..
راشد :- حابب اعرفوا ونصير صحبة. الصحاب مهمين للزمن..
اماليا :- شو يلي بدك اياه مني..
راشد :- ولا شي ابدا بس مشتاق لالك ..
رسالة بنفس الوقت من امي..
هديل :- اماليا زوجك الاسبوع كلو رح يبقى معك هيك قلي البيك ، لان ع اساس مسافر لعمل..
راشد :- شو شكلو زوجك اجا.. خليني اتصل بلكي عزمني على فنجان قهوة..
اماليا …لراشد :- حقير .
اماليا :- امي انا رح نام نعست ..
هديل : طيب حبيبتي تصبحي على خير طمنيني عنك بكرة الصبح..
اماليا :- رح اطفي الموبايل وبكرة الصبح بشغلو اي..
هديل :- ليه بدك تطفيه..
اماليا :- لان مافيو شحن ونسيت الشاحن بالغرفة ومابدي يخلص الشحن بكرة بطمنك
هديل :- طيب حبيبتي متل مابدك ..
صارت الساعة ٦ الصبح ونديم مارجع على البيت ، غفيت من التعب ونمت..الساعة ١ فتح الباب ومرق ع الحمام ، اخد حمام واتسطح بالصالون ونام..
اماليا :- مابدك تفطر..
نديم :- لاء تعبان..
( اماليا حاولت تعرف وين كان ماقدرت بس من تيابو يلي تركهن بالحمام كان ريحتهن مشروب .
اماليا :- كيف بدي اياك تترك هالعادة..مقرف..
( جهزت الغدا ورتبتوا على الطاولة وقعدت على الصوفاية مقابيل نديم..صورتو ..وارسلت الصورة لامها..
صباح الخير ياماما ..نديم بعدو نايم بس يفيق بدقلك..
هديل :- شبو نايم على الصوفاية..
اماليا :- قال السرير مانو مريح ..
هديل :- اه طيب..صار بينكن شي..
اماليا “- لاء بس انا جهزت الغدا لالو شوفي..
صورة تانية للسفرة.
هديل :- حلو بس شيلي الاغراض يلي على السفرة مشان يحسن ياكلو رتبيها….
رسالة من راشد
راشد :- امك قاعدة ومتبسمة وبتقول انك مبسوطة وارسلتي سفرة زواجكن ..
..
راشد :- العريس طاير عقلو بالجمال يلي اخدو مني..
راشد : بس وحياة عيونو هالامانة رح ترجعلو وعلى عينو كمان انتي لالي فهمانة اماليا…
راشد :- بحبك

اترك رد

لن يتم نشر عنوان بريدك الإلكتروني.