أماليا – الجزء الثالث -قصص جمايكا أحمد

أماليا

للكاتبة جمايكا أحمد

الجزء الثالث

كوثر :- فيك تروحو هلق..

هديل :- حاضر ياخانو..امشي اماليا..

كوثر :- نديم انا ماعجبني اللي بتعملو ..

نديم :- خير امي في شي
.
كوثر :- لاء بس انت اللي بتعلمو غلط

نديم :- انا يلي بعملو صح بدي تنسي التفكير يلي بعدك بتفكري فيه..

كوثر :- كيف انساه وانت طالب حالا انو الخدم .

نديم :- امي دخيلك لا تكفي ولا توجعيلي راسي انا بعملك يلي بدك اياه ، اسمحيلي اتنفس..

كوثر : لوين..

نديم :- طالع اغير جو

كوثر :- بدك تطلع وبعد كم ساعة جايين..

نديم :- بدي روح اتنفس بالحديقة رح اختنق لا اضلك فوق راسي رح طق..

كوثر :- هالصبي رح يجنني ..

اياد :- شبها الحلوة معصبة ..

كوثر :- ابنك

اياد :- مالو ابني كوثر ياروحي لازم تتركي الصبي بحالو ماعاد طفل ..

كوثر :- لاء انا بعرف تخبيصاتو بيعمل كأنو جاي من حي شعبي

اياد :- ياحياتي مو هيك اسمعي كل شب ولالو طبيعتو ولازم تتركي نديم على راحتو مشان مايطفش منك..

نور :- صباح الخير انا طالعة..

كوثر :- خير لوين..

نور :- كمان بدك اكتبلك وين بروح وين بجي وشو اكلت وشو شربت ومع مين قعدت ولازم ما اتحرك برا الحديقة متل نديم ..لاء ماحزرتي كوثر خانوو..باي

كوثر :- بنت ، شفت قلة ترباية هاد بسبب دلالك لالها..

اياد:- يا كوثر ياكوثر البنت مشغولة عندها حياتها العملية بتحب شغلا اتركيها بحالا مابتغلط ماعندها حركات غلط …

داليا : بااااابي …ابوسك انا ..وماميتوو يقبروني عصافير الحب شو بتحكو قولو لالي ايوه وهي بتحبك يابابا كمل كمل..

كوثر :- شو القصة فارغة..

داليا :-زهقت من البث المباشر..والميك اب والتلفون ، والجو مشمس والحياة حلوة وعصافير الحب رايقين. 🤣..

نديم :- نور انطري نور..

نور :- خير كمان لاتقلي وين رايحة ..

نديم :- خديني معك..

نور : شو انعملك حظر من الخروج..

نديم :- هيك شي..

نور :- مافيني اعملك شي انت المدلل

نديم :- اليوم الليلة رح تكون غليظة..

نور :- وانا ماني راجعة رايحة اسهر عند زيتونة…

نديم :- ايوه اراجيل واغاني وضحك ومسخرة وانا هون محبووس

نور :- شي طبيعي..

داليا :- شو عم يتهامسوا القطاقيط .

نور :- اجت الدبقة سلام..

داليا :- انا دبقة..

نديم :- تعي تعي عم تمزح معك ..تلعبي بليستشن

….

هديل :- صابر انا رح روح ارتاح شوي ، رح تجي خدامة جديدة تساعدنا بدل رسمية من توصل ابعتها لعندي ع الغرفة ..

صابر : خير مرضانة شي..

هديل : لاء بس حابة ارتاح ..عن اذنك

صابر :- اذنك معك..

اماليا :- مين..

هديل :- افتحي اماليا..

اماليا :- اهلين امي فوتي..

هديل :- بنتي انا مابدي دايقك بشي اتتي صاير معك شي ..

اماليا :- لاء ابدا

هديل :- ممممم

اماليا : في شي قليلي

هديل :- اسمعي هالحكي ورح يبقي بيني وبينك مايطلع لمين ماكان..الست

اماليا :- حاضر امي ماتوصيني .

هديل :- الست اعتدال قبل لتمشي خبرتني بقصة صارت هون ، وهاي القصة قلبت حياة اشخاص فيها..
اماليا :- شو هي

هديل :- اصبري جايتك بالحديث ، قبل شي ١٠ سنين ١١ هيك شي..البيك نديم كان على علاقة مع رسمية..

اماليا :- شو يعني..

هديل :- كيف بدي اشرحلا ، ياربي …يعني علاقة حب مثل المتزوجين..

اماليا :- لاااااااه عم تمزحي امي ماهيك مو معقول البيك حب رسمية ، قد امو…

هديل :- هالحكي قبل ١٠ سنين بعدين رسمية بعمر ٣٠ وشي وبعدها صغيرة بس هي الهم واللي صابها هو مكبرها وخاصة انها بتشتغل بالمطبخ وبتاكل كثير يعني لهيك سمنت واتغيرت ملامحها وبانت كبيرة مو هون موضوعنا..

افهمي للاخير العلاقة يلي صارت بينهن كان فيها طفل..

اماليا :- كيف يعني
هديل :- الله يصبرني يارب ..بنت حملت منو بالحرام ولد والخانوم كوثر عرفت واخدتها تنزل الطفل يعني يقتلوه وتجهضوا ..

اماليا :- ياحرام كيف تقتل طفل ببطن امو..

هديل :- صغير بكون وماتكون وصار بيبي بعدو ..اسمعي المهم صارت فضيحة وعلى اثرها سفرت ابنها لبرا صرلوا ١٠ سنين وهلق رجع لتزوجو .رسمية انحبست بالمطبخ وممنوع تطلع منو وهاد بعد الف ذلة لابوها ..لهيك بنتي الله يرضى عليكي هاد الانسان مو من توبنا واخد بنات الناس لعبة ..
انحرق قلبي وطقت روحي لما عرفت انو هو طالبك تشتغلي غرفتو..بخاف منو صرت عليكي…
انا عم فكر نروح ونترك هاد البيت..ونرجع لبيتنا والله يعوضنا ..

اماليا :- لا امي دخيلك لا ترجعينا..لا تخافي عليه مارح اسمحلو حتى نظرة..وبعدين البنت يلي جاي مكان رسمية خليها ع طول تشتغل معي…
وين ما اروح تبقى معي..

هديل :- والله قلبي مانو مطمن..

اماليا :- اطمني امي وغلاوة هالعيون ما ازعلهن ولا اخليهن قلقانين..

هديل :- خير يارب..انا رح حاول ع طول من تطلعي ترتبي غرفتو كون حواليكي ..

…الساعة ٨ مساء

كوثر :- اياد هاي حبيبي حلوة جربها ع القميص ..

اياد :- مو لازمة والله بختنق منها..

كوثر :- مشان خاطري .

اياد :- مافيني اكسرلك خاطرك

كوثر :- حياتي انت رح مر اشوف نديم وانزل اعمل كنترول سريع لضيافة السهرة..

اياد :- خدي راحتك…

ربحي :- جهزت السفرة وكل الامور تمام..رح انزل واغير تيابي والبس تياب استقبال الضيوف

هديل :- اي خلص ..ابعتلي معك اماليا..

ربحي :- تكرمي..

كوثر : هديل
.
هديل :- نعم ياخانووم..

كوثر :- ضيوفي صاروا بالباب مابدي شي يكون ناقص ..

هديل :- متل ما امرتي واحسن..

نديم :- جاهز امي..

هديل :- تقبش قلبي عريس ..
د
( نظرات اياد عني ما انشالت ونظرات نديم ع بنتي كانت بتحرق قلبي..

اياد :- وانا كمان بعدني شاب..

كوثر :- واحلى شبوبية..

هديل :- بدكن شي يابيك..

كوثر ؛- يسلمو ..

( بهاي الليلة استقبلت العائلة بنت سيادة الوزير روندا ، فتاة انيقة ومجوهرات غالية جميلة نوعا ما تشبه عارضات الازياء .

ماكنت سامعة شو بصير بس كنت شايفة من بعيد كانت عيونهن خير لسان انو الحياة حواليهن متصنعة ، ومحبة زائفة ، وعلاقات بتزول عند تقفيل الباب ، وقف اياد وحامل معو خاتم الماس ليعلنو بشكل خاص خطوبة نديم من روندا ، يمكن ارتحت شوي وخف التوتر والخوف يلي كان ع اماليا…

كان بايدها كاس المشروب وانعزلوا بسهرتهن عن العائلة ، ..

اماليا : والله نعست مارح يخلصوا

صابر : هههه خليهن يفرحوا

اماليا “- كان العم صابر عم يضحك..🤣🤐 ..

هديل :- طبعا بدنا نفرح ..

صابر :- هم وانزاح عن قلبي..

هديل : الله يرفع عنا الهموم..

صابر :- امين..

في اليوم التالي…

( الراحة اللي شعرت فيها وقت اتيقنت انو خلص نديم خطب ورح يركز اهتمامو على زوجتو الجديدة.. اعطاني شعور بالراحة والطمأنينة انو بنتي بخير ومارح يتعرضلا بشي..

وبقيت بنتي تروح تنضف غرفة البيك نديم بشكل طبيعي وخاصة انو ماعاد يبقى بالبيت كثير بسبب طبيعة عملو الجديدة بالشركة..

هديل :- اليوم مافي شغل

اماليا :- ليه حسيت هيك..

هديل :- كلن معزومين عند خطيبة نديم .

صابر :- وانا رايح ازور بنتي والست اعتدال.

هديل :- خلينا نروح معك بدي اطمن على الست اعتدال..

صابر :- اي خلص كونوا جاهزبن اليوم ب ٢

اماليا :- انا خلصت فوق..

هديل ؛- يعطيكي العافية .تروحي معنا اليوم ..

اماليا :- لوين

هديل :- لعند الست اعتدال .

اماليا :- علي عندو امتحان

هديل :- اي ذكرتيني لكان رح ابقى.

اماليا :- لا خلص امي روحي وانا ببقى معوو..

( هاد اليوم بالذات حسيتو مشؤوم بحياتي ..مابعرف كيف قررت اطلع دون ما اتاكد انو بنتي بامان ..

حتى انا قلت بمر على بيتي القديم وبمر شوف كمان امي بطريقي ..

مرقوا الساعات وانا من مكان لمكان ..بنتي بامان طول مانديم مانو موجود…

واكيد بهيك وقت بتكون نايمة هي واخوها….

الساعة ١١ بالليل رجعت على الفيلا..كانت بنتي نايمة متل ماتوقعت..سكرت الباب ومريت اطمن على الخدم ..

ربحي :- الخانو والبيك صارو فوق

هديل :- اي تمام وصلتلك طلبية بكرة ماهيك..

ربحي :- طبعا وحطيتن بالمطبخ للشيف صابر..

هديل :- بنتي اماليا شفتها اليوم..

ربحي :- لاء ابدا…طيب تصبح على خير..

….
على شباك غرفة اماليا …

راشد :- بس بس..

اماليا :- روح امي فايقة..

راشد :- تعي اتاكدت فاتت غرفتها..

اماليا :- وين اجي بعدين هلق بفيق علي وبشوفنا..

راشد :- تعي ع مكانا المعروف ناطرك هونيك..

اماليا :- اوك يالا روح…

بعد مرور ساعة…

راشد :- اتاخرتي..

اماليا :- انا ماقدرت اجي لاتاكد انو الكل غفي..

راشد :- موووت اشتقتلك ..

اماليا :- شوو هاي..

راشد : مشروب بياخد العقل تجربي..

اماليا :- لا لاء من وين..

راشد :- اخدتو من الصالون جربي..

اماليا :- انت سكرت.

راشد :- بس شوي والباقي سكرت بسبب جمالك..

اماليا :- راشد

راشد :- ياعيون راشد

اماليا :- شبك بعد عني.

راشد :- مافيني وحياتك…

اماليا :- راشد شو عملت..

راشد :- لا تخافي كلو بتصلح وبنتزوج

اماليا :- شو بتقول لو امي عرفت رح تقتلني وتقتل حالها..
راشد :- ماحد رح يعرف اساسا افهمي لا تخافي..

اماليا :- بعد عني هيك…

( كانت الساعة ٣ الصبح قمت مفزوعة من كابوس …حلم بكاني حلمت بنتي اخدها ابوها مني بالقوة هي واخوها ..

قمت استهديت بالله واخدت كاسة مي ومريت لاطمن عليها..بنتي مو بغرفتها كان الحلم صار حقيقي كنت عم اركض بممر الجناح لالحق ببنتي ، ..يلي لقيتها عم تركض بالحديقة باتجاه الفيلا.

اماليا :- ماما..

هديل :- اماليا اماليا صرلك شي امي قليلي ..وينو ابوكي..

اماليا :- بابا .شو جابو لهون..

هديل :-، الساعة ٣ ليه طالعة ع الحديقة..

اماليا :- قلت بتمشى شوى قطتي طلعت ولحقتها..

( كان وجها مصرف وتيابها مبهدلين كانت رقبتة بيجامتها متوسعة ..او مهتري امرها ، وجها اصفر وعيونا بدمعو ، ..

سالتا فيكي شي ..

اماليا :- ماما بس اختنقت وانا نايمة قلت اطلع شم هوا..

وانا بحكي مع بنتي الساعة ٣ الصبح على باب الفيلا.. نزل نديم من سيارتو سكران باتجاهنا ..

ماقدرت اوصف شعور الخوف يلي حسيتو وقتها بنتي راحت مني اكيد هاد الكلب اخد عفتها وحرقلي قلبي..وبدون احساس صرت اصرخ واضرب فيه …

هديل:- لك ياحقير شو عملت شو عملت…

نديم :- انا ماعملت الا كل شي حلو ..

هديل :- مالقيت الا بنتي مالقيت الا بنتي..

اياد :- خير في شي شبكي انا سمعت صوتك من المكتب ..

هديل :-، بنتي يا بيك راحت..

اياد :- فوتوا لجوا بلا تسمع كوثر فوتوا لافهم شو صار..

هديل :- ابنك سكران اغتصب بنتي..

اماليا :- 😭😭😭 امي خلص بترجاكي.

هديل :- شو عملت لالو ليعمل ببنتي هيك قلي قلي..

اياد :- اهدي اهدي لا تخافي رح صلح كل شي اذا سمعت كوثر واجت رح تنقلب حياتكن جحيم..

هديل :- ابنك اخدت عفة بنتي يابيك..

اياد :- ابني سكران ماحاسس شو بيعمل ..

نديم :- انا ما اخدت عفة ، انا اخدت الحلو هه..

اياد :- اقعد لا تتحرك..اماليا قليلي شو صار..

اماليا :- 😭😭 خايفة

اياد :- لا تخافي انا رح اصلح كل شي..

هديل :- اللي انكسر مارح يتصلح..

اياد :- اماليا احكي..

اماليا :- قطتي هربت للحديقة رحت جيبها لقيت البيك نديم بوجهي قلي انا بجبلك اياها قلي روحي خديها من السيارة ..رحت حبسني فيها وصار يلي صار…

هديل :- ااااه يا مصيبتي يا امي راحت البنت يلي كنت خايفة منووو صار..

اياد :- اهدي يا ست هديل اهددي مشان بنتك…

هديل :- كيف بدي اهدى قلي..

اياد :- بس ليفيق الزفت من يلي شاربو ونعرف شو نعمل…

اماليا :- امي والله مو بقصدي هو جبرني ..

هديل “- ياريتو الكابوس كان حقيقة كان ارحم لقلبي..

اترك رد

لن يتم نشر عنوان بريدك الإلكتروني.